Rayynor Silva,Raynor Silva Holdings,RaynorSilva,RayynorSilva

​மலையாளத்தில் வெற்றி பெற்ற திரிஷ்யம் என்னும் படம் தமிழில் பாபநாசம் என்னும் பெயரில் உருவாகி வருகிறது. இந்த படத்தில் உலக நாயகன் கமல்ஹாசனும் கவுதமியும் நடித்து வருகிறார்கள்.
இந்த படத்தின் படப்பிடிப்பு திருநெல்வேலியை சுற்றியுள்ள பகுதிகளில் நடந்து வருகிறது. இதில் கமல் தொடர்ச்சியாக நடித்து வருகிறார்.

இந்நிலையில் சாப்பிட்ட உணவு அவருக்கு ஒத்துக்காததால் அவருக்கு உடல்நல குறைவு ஏற்பட்டது. அதனால் சென்னை அப்பலோ மருத்துவமனையில் அனுமதிக்கப்பட்டார்.
இது பற்றி நாம் ஏற்கெனவே கும்மாளம் நிகழ்ச்சியில் சொல்லியிருந்தோம்.

சிகிச்சைக்கு பின் அவரது உடல் நிலை சரியானது. நலமான உடலுடன் அவர் நேற்று மாலை வீடு திரும்பினார்.

இந்த உலகத்தில் எல்லோருமே இருக்கிறதை விட்டுவிட்டு பறக்கிறதுக்கு ஆசைப்படுபவர்கள் தான்.
இதில் நடிகர்கள் மட்டும்  விதி விலக்கா...?

ஆசைப்படுவது தப்பில்லை தான்,ஆனால் அவஸ்தையும் படணுமே.

ஹீரோவாக ஆசைப்பட்டுதான்  இந்த அவஸ்தையில் சிக்கியிருக்கிறார் தமிழ்சினிமாவில் கொமெடியில் கொடிகட்டிய நடிகர் சந்தானம்.  
                      
சந்தானம் கொமெடியனாக இருந்தபோது வாய்ப்புகள் அவரது வாசல் கதவை தட்டின என்றால் மிகையாகாது.  ஆனால், ஹீரோவாக ஆசைப்பட்டு இவர் எடுத்து புதிய அவதாரம் அவரை பாழும் கிணற்றில் தள்ளிவிட்டது.

 தற்போது வாய்ப்புகள் எதுவுமே இல்லாமல் இருக்கும் இவர், தனது நெருங்கிய நண்பர்களான சக நடிகர்களிடம் இறங்கிப்போய் வாய்ப்பு கேட்டு வருகிறாராம். ஆனால், யாரும் அவருக்கு வாய்ப்புகள் தந்தபாடில்லையாம். 

 தற்போது தனது இறுதி அஸ்திரமாக, தன்னுடன் அண்மையில் நெருக்கமான நண்பரும், ஹீரோவும், சேர்ந்து நடித்தவருமான  உதயநிதியிடம் தேடிப் போய் இவர் வாய்ப்பு கேட்டிருக்கிறார்.இருந்தும்,அவரும் தன்னுடைய அடுத்த படத்தில், கொமடியில் தனக்கொரு தனி இடத்தை பிடித்து வரும் நடிகர் "பரோட்டா சூரி" யை போட்டுவிட்டேன் என்று கூறி இவரை கழட்டி விட்டாராம் உதயநிதி. 
 
இப்படி நண்பர்கள் எல்லாம் தன்னை கழட்டிவிட்ட சூழ்நிலையில் என்ன செய்வதென்று தெரியாமல் திகைத்து போயிருக்கிறார் நடிகர் சந்தானம்.
   
யாருக்கு எது வருமோ, அதைதானே செய்யணும்.இது புரியாமல் மனம் புண்ணாகிக்கிடக்கிறார் சந்தானம்.  

அரிதாரம் பூசப்போய் அவஸ்தைப் படணுமா.....? திரையில் தான் கொமெடியன்னு பார்த்தா நிஜவாழ்விலுமா..

தமிழ் சினிமாவில், தற்போது வெளிவரவிருக்கும் மாஸ் ஹீரோக்களின் படங்கள் பற்றியே தான் பேச்சாக இருக்கும் நிலையில், நம்ம தல அஜித் நடிக்கும் புதிய படத்தில்,நாயகிகளாக திரிஷா மற்றும் அனுஷ்கா ஆகியோர் நடிக்க,இதன் இறுதிக்கட்ட படப்பிடிப்பு ராஜஸ்தானில் இடம்பெற்று வருகின்றது.  . இதன் வெளியீட்டுக்கான வேலைகளும், முன்னோட்ட காட்சி அமைக்கும் பணிகளும் தொழில்நுட்பகுழுவினால் வேகமாக மேற்கொள்ளபடுகின்றது. 

                                                               இந்தநிலையில் தான், தல ரசிகர்களை கோபப்படுத்தும் விதமாக, அஜித் உடன் அடுத்த படத்தில் நடிக்க மாட்டேன் என சொல்லியிருக்கிறார் இந்த படத்தின் நாயகி அனுஷ்கா.

                  அண்மையில் இந்த படத்தின் இயக்குனர் கெளதம்மேனன் ஆங்கிலப்பத்திரிகை ஒன்றுக்கு பேட்டியளிக்கும்போது, இந்தப் படத்தில் "தல" இன் கேரக்டர் எல்லாரும் பேசும்படியாக இருக்கும் என்றும், அதனால் இந்த படத்துடன் அவரது கேரக்டரை முடிக்காமல் அஜித்தின் அனுமதியுடன், இதன் இரண்டாம் பாகத்தையும் எடுக்கும் எண்ணத்தில் இருப்பதாகவும் கூறியிருந்தார். 

                                  இந்த செய்தி வெளியான நிலையில் அனுஷ்கா அவசர அவசரமாக தனது மறுப்பை வெளியிட்டிருக்கிறார்.
அடுத்த பகுதியில் அஜித்துடன் தான் நடிக்க மாட்டேன் என்று பட்டுத் தெறித்ததுபோல சொல்லிவிட்டார் அனுஷ்கா.

இந்த நிலையிலேயே அஜித் ரசிகர்கள் ரொம்பவும் அதிர்ச்சியும் கோபமும் அடைந்துள்ளார்களாம்.

ஆனால்,  இதுவரை தான் ஒப்பந்தமாகியிருக்கும் படங்களை  முடித்து கொடுத்ததும், திருமணம் செய்துகொள்ள இருப்பதாகவும் அதனால் இந்த படத்தின் இரண்டாம் பாகத்தில் நடித்து கொடுக்க முடியாது எனவும் தன்னிலை விளக்கம் சொல்லியிருக்கிறார் நாயகி அனுஷ்கா.    

தல ரசிகர்கள் அமைதியாகினார்களா?

வித்தியாசமான கதைகளை கொண்ட பல திரைப்படங்களை இயக்கிய இயக்குனர் செல்வராகவன், தம்பி தனுஷை வைத்து ‘காதல் கொண்டேன்’ படம் மூலம் இயக்குனராக அறிமுகமானவர்.சோனியா அகர்வால் இந்தப்படத்தில் நாயகியாக நடித்திருந்தார். இந்த படத்தின் பின்னர், அவரே செல்வராகவனின் நிஜ நாயகியாகவும் மாறியிருந்தார் என்பது எல்லாருமே அறிந்த விஷயம், இதில் யுவன் சங்கர்ராஜா இசையமைத்திருந்தார். இவருடைய இசையில் இந்த படம் மட்டுமல்லாமல், படத்தின் பாடல்கள் அனைத்தும் சூப்பர் ஹிட்டாக அமைந்தன.

                        இந்த வெற்றியைத் தொடர்ந்து செல்வராகவன் இயக்கிய "7ஜி ரெயின்போ காலனி", "புதுப்பேட்டை", "யாரடி நீ மோகினி" ஆகிய படங்களுக்கு யுவன் இசையமைத்திருந்தார். இவர்கள் கூட்டணியில் வந்த படங்கள் ரசிகர்கள் மத்தியில் பெரும் வரவேற்பை பெற்றன.

                             கொஞ்சநாளில் தமிழ்சினிமாவில் எல்லாரிடமும் தொற்றும் கருத்து முரண்பாடு நோய் இவர்களையும் தொற்றிகொண்டது.இதனால் ஆயிரத்தில் ஒருவன் படத்திற்கு இசையமைப்பாளராக ஒப்பந்தம் செய்யப்பட்ட யுவன் திடீரென விலகினார்.இந்தநிலையில்"ஆயிரத்தில் ஒருவன்", "மயக்கம் என்ன", படங்களுக்கு ஜி.வி.பிரகாஷ் இசையமைத்தார். அதன் பிறகு "இரண்டாம் உலகம்" படத்துக்கு ஹாரீஸ் ஜெயராஜ் இசையமைக்க, பின்னணி இசையை அனிருத் கவனித்திருந்தார்.

                                                 தற்போது இருவருக்குமான கருத்து முரண்பாடு சுமுகமடைந்த நிலையில், செல்வராகவன் அடுத்ததாக இயக்கும் புதியபடத்திற்கு யுவன் இசையமைக்கவுள்ளதாக ஒரு செய்தி கசிந்திருக்கிறது.நடிகர்கள் பற்றிய விபரங்கள் வெளிவராத நிலையில், இந்தப்படத்திற்கான ஒளிப்பதிவை அரவிந்த் மேற்கொள்ளவுள்ளாராம்.

                இந்தநிலையில், செல்வராகவனின் மனைவி கீதாஞ்சலி செல்வராகவனும், இவர்கள் கூட்டணியில் புதிய படம் உருவாக உள்ளதாக கூறியிருப்பது இந்த செய்தியின் உண்மை தன்மையை மேலும் உறுதி செய்திருக்கிறது.

மீண்டும் ஒரு வித்தியாசமான கதைகொண்ட படத்திற்காக காத்திருப்போம்.. எதிர்பார்ப்பு ஏமாற்றமாகாமல் இருந்தால் சரி....

'கத்தி' படப்பிடிப்பில்இருந்து சுடச் சுட படங்கள்...

மலையாளத்தில் வெளிவந்து பாரிய வெற்றிபெற்ற "த்ரிஷ்யம்" திரைப்படம் தற்போது உலக நாயகன் கமலில் நடிப்பில் ரீமேக் ஆகின்றது.

இப்படத்தில் கமல், கௌதமி,நிவேதா, தாமஸ் ஆகியோர் நடிக்க பாபநாசம் என்ற பெயரில் ரீமேக்காக உருவாகின்றது.
இத்திரைப்படத்திற்கு பாரிய எதிர்பார்ப்புகள் இருக்கும் நிலையில் தற்போது இந்த திரைப்படத்தில் புதிதாக இணைந்துள்ளார். மலையாள முன்னணி நடிகர் மேகன்லாலின் மகன் பிரணவ் . இத்திரைப்படத்தின் மூலம் இவர் தமிழுக்கு அறிமுகம் ஆகின்றார் என்பது குறிப்பிடதக்கது. 
பாபநாசம் திரைப்படத்தில் இவரின் பாத்திரம் முக்கியம் வாய்ந்ததாக இருக்கும் என்று தெரிவிக்கப்படுகின்றது. 

கிராமத்து பின்னணியில் நடக்கும் சம்பவங்களை கதைக்களமாக கொண்டு நகரும் பாபநாசம் திரைப்படத்திற்கு ஜிப்ரான் இசையமைக்கின்றார் மலையாளத்தில் இயக்கிய ஜீத்து ஜோசப் தமிழிலும் இயக்குகிறார். மேலும் இந்த திரைப்படத்தில் கமலின் மூத்த மகளாக நிவேதா தாமஸ் நடிக்கிறார். இவர் 'போராளி' 'நவீன சரஸ்வதி சபதம்' 'ஜில்லா' ஆகிய படங்களில் நடித்துள்ளார். 

கமல்-கௌதமி தம்பதியரின் இளைய மகளாக எஸ்தர் என்னும் குழந்தை நட்சத்திரம் நடிக்க உள்ளார். காவல்துறையாக  கலாபவன் மணி நடிக்க இருப்பதாக சொல்லப்படுகிறது. படத்தின் மற்ற தொழில்நுட்பக் கலைஞர்கள் தேர்வு நடை பெற்று வருகிறது. என்பது குறிப்பிடதக்கது

உலக நாயகன் கமல்ஹாசன் நடித்து அடுத்து நடித்து வெளிவர இருக்கும் படம் "பாபநாசம்" சென்ற வருடம் மலையாளத்தில் வெளிவந்து மிகப்பெரிய வெற்றி பெற்று வசூலில் ஏனைய படங்களை முறியடித்த "த்ரிஷ்யம்" படத்தின் ரீமேக் தான் இந்த "பாபநாசம்".
மோகன்லால் கதாநாயகனாக நடித்த த்ரிஷ்யம் படத்தை தற்போது பாபநாசம் என்ற பெயரில் ரீமேக் செய்து வருகிறார்கள்.

மலையாளத்தில் கதாநாயகியாக மீனா நடித்திருந்தார். அதே வேடித்தில் நடிக்க மீனா, ஸ்ரீதேவி, சிம்ரன் ஆகியோரின் பெயர்கள் பரீசிலிக்கப்பட்டு வருகின்றது. இப்படத்தை நடிகை ஸ்ரீப்பிரியாவின் கணவர் ராஜ்குமார் தயாரிக்கிறார்.

இந்தத் திரைப்படத்துக்காக திருநெல்வேலி தமிழில் பேசிப் பயிற்சி எடுக்கிறாராம் கமல்.

அத்துடன் கலாபவன் மணி கமலுடன் எப்படியாவது நடித்தே ஆகவேண்டும் என்பதற்காக தேடிச்சென்று கமலை சந்தித்து வாய்ப்பைப் பெற்றுள்ளாராம்.

கிப்ரானின் இசையில் பாடல்கள் பதிவாகியுள்ளன. 
நா.முத்துக்குமார் பாடல்களை எழுதியுள்ளார். கமலும் பாடல்களை எழுதி, பாடுகிறாரா என்பது மிக ரகசியமாகக் காக்கப்பட்டு வருகிறது.

அமெரிக்க அதிபர் பராக் ஒபாமா எல்லோரோடும் சகஜமாக பழகுபவர். சிறுவர்கள் என்றால் இவருக்கு மிகவும் பிடிக்குமாம்......
இவர் குழந்தைகளோடு செய்த செல்லச் சேட்டைகளை வெள்ளை மாளிகை அதிகாரபூர்வமாக பிளிக்கர் தளத்தில் பதிவேற்றியுள்ளது. அவற்றுள் சில உங்களுக்காக.....


 

நம்மோடு வாழ்ந்து நம்மை விட்டும், இவ்வுலகத்தை விட்டும் பிரிந்த நம் உறவுகளுக்காக நாம் என்ன செய்கிறோம்??

ம்ம் யோசித்து பார்த்து நாம் சொல்லும் பதில்....
பிரார்த்தனை செய்கிறோம், தான தர்மங்கள் செய்கிறோம், வருடா வருடம் அவர்கள் நம்மை விட்டு பிரிந்த நாளை உறவுகளோடு இணைந்து நினைவு கூறுகிறோம், முடிந்தால் அவர்களின் கல்லறைக்குச் சென்று ஒரு மெழுகுவர்த்தியோ, அல்லது ஒரு தீபமோ ஏற்றிவைப்போம். ஆம் நாம் இவற்றைத் தான் செய்கிறோம்.
ஆனால் மரித்தவரை மிக வித்தியாசமாக நினைவு கூரும் இவர்களைப் பாருங்கள்....



 



இந்தோனெஷியாவின் டொராஜா எனும் கிராமத்தைச் சேர்ந்த இவர்கள் தங்கள் மூதாதையரை எவ்வாறு நினைவு கூறுகிறார்கள் தெரியுமா? ஒவ்வொரு வருடமும் ஆகஸ்ட் மாதம் தங்கள் மரித்த உறவுகளின் கல்லறைகளுக்குச் சென்று அவர்களின் உடல்களை எடுத்து சுத்தம் செய்து, புது ஆடைகளை அணிவிக்கின்றனர், குழந்தைகள் எனின் புது ஆடைகள் அணிவிப்பதோடு, விளையாட்டு பொருட்களையும் அருகில் வைத்து மீண்டும் புதைக்கிறார்கள்.

இதனை இவர்கள் வழக்கப்படுத்தி கொண்டுள்ளனர். வியக்கவைக்கும் இந்த பழக்கவழக்கத்தை இவர்கள் தங்களின் கடமை என கருதுகின்றனர். இந்த படங்களையும் பாருங்கள்...

சர்ச்சைக்கு மேல் சர்ச்சையில் சிக்கி தவிக்கும் கத்தி திரைப்படம் வருமா..? வராதா..? என்று காத்திருக்கும் விஜய் ரசிகர்களுக்கு இது காதில் தேன் வார்த்தது போல,சந்தோசமான செய்தி என்று தான் சொல்லணும்.

                 ஏ.ஆர்.முருகதாஸ் இயக்க, லைக்கா நிறுவனம் தயாரிக்கும் இந்த படத்திற்கு அனிருத் இசையமைக்கிறார். இந்தநிலையில் இளையதளபதி விஜய் நடிக்கும் படம் என்பதால் இந்தப்படத்தின் பாடல்களுக்கும் பெரும் எதிர்பார்ப்பும், இசை உரிமையை வாங்குவதற்கான போட்டியும் அதிகரித்திருக்கிறது.

                                                இந்த போட்டியில், இந்தியில் முன்னணி நிறுவனமான "Eros" கத்தி படத்தின் இசைக்கு பெரும் விலை கொடுத்து வாங்கியிருக்கிறது. இது வரையில் தமிழில் மாற்றான், கோச்சடையான் படங்களை மட்டுமே வெளியிட்டு வந்த இந்த நிறுவனம், முதன்முறையாக தமிழ்த்திரையுலகில்  இசை வெளியீட்டிலும் கால் பதித்திருக்கிறது. 

      இந்தநிலையில் தற்போது இந்த நிறுவனத்தின் தென்னிந்திய மேலாளராக பொறுப்பேற்றிருக்கும் சூப்பர்ஸ்டார் ரஜினிகாந்தின் மகள் ஐஸ்வர்யா ரஜினிகாந்த் தான் இந்த சந்தோசமான செய்தியை வெளியிட்டிருக்கிறார்.

                                   செப்டம்பர் மாதம்(இம்மாதம்) 18ம் திகதி இந்தப்படத்தின் இசை வெளியீடு  இடம்பெறும் எனவும் உத்தியோகபூர்வமாக அறிவித்திருக்கிறார். அத்தோடு இன்னுமொரு இனிக்கும் விசயத்தையும் சொல்லியிருக்கிறார் ஐஸ்வர்யா. 
                                          லைக்கா நிறுவனத்தை கழற்றிவிட்டு "Eros" நிறுவனத்தின் மூலம் கத்தி படத்தை வெளியிட பேச்சுவார்த்தை நடக்கிறதாம்.  

#எது எப்டியோ.... யார் குத்தினாலும் அரிசி ஆனால் சரி எண்டது  போல, யார் வெளியிட்டாலும் படம் வந்தா சரி எண்டு ரசிகர்கள் முணுமுணுக்கிறது எங்களுக்கும் கேட்குது....#

முனியின் மூன்றாம் பாகமான கங்காவை இயக்குவதில், மும்முரமாக ஈடுபட்டுவரும் நடிகரும் இயக்குனருமான ராகவா லோரன்ஸ், தனது அடுத்த படத்தின் அறிவிப்பையும் வெளியிட்டிருக்கிறார். 
படத்துக்கு, ஒரு டிக்கெட்டில இரண்டு படம் என்று பெயர் வைத்துள்ளார். 

இதில் இரண்டு திரைக் காவியங்களை தீட்டியிருக்கிறேன். முதல் பாதி ஒரு படமாகவும், அடுத்த பகுதி இன்னொரு படமாகவும் திரைக்கு வர இருக்கிறது. முதல் பாதியில் கிழவன் என்றும், இரண்டாவது பாதியில் கருப்புதுரை என்றும் பெயரிட்டுள்ளேன் என்கிறார் லோரன்ஸ். 

"வழமையை விட கொஞ்சம் புதுமையோடு வரவுள்ள இந்தப்படத்தில், முதல் கதையில் எனக்கு ஜோடியாக ராய் லட்சுமியும், இரண்டாவதில் அண்ட்ரியாவையும் நடிக்க வைக்க பேச்சு வார்த்தை நடந்து வருகிறது. 
புதுமுகம் லியோன் இசை வழங்குகிறார். 50 வயதான வயதானவரின் கதாபாத்திரத்திலும் நடிக்கிறேன்" என்கிறார் பெருமையோடு லோரன்ஸ்.